مين هو محمد سيد؟
أنا محمد سيد
مصمم مواقع ومتخصص سيو
بصمم مواقع بتجيب عملاءبتتصدر جوجلبتقنع وتبيعشغالة لك 24 ساعةبتجيب عملاء
شغوف بعلوم الكمبيوتر والتسويق من وأنا صغير، والشغف ده اتحول لمصدر دخل حقيقي من وأنا عندي 20 سنة لحد النهارده، في تصميم المواقع وتحسين محركات البحث (SEO) وكتابة المحتوى الإبداعي.
موقعك = موظف شغال لك 24 ساعة
- تصميم UI/UX يسهّل على العميل ياخد أكشن
- SEO يظهرك في جوجل ونماذج الذكاء الاصطناعي
- محتوى تسويقي بيقنع ويبيع
- تحليل النتائج بـ Search Console وAnalytics
- دعم مجاني شهر + استشارات 3 شهور
خبرة في مجالات مختلفة
اشتغلت مع أفراد وشركات في 4 دول عربية
في مصر والسعودية والإمارات والكويت، ساعدت أفراد وشركات كتير يحققوا أهدافهم، سواء من تصميم الموقع أو من الـ SEO. ومن أبرز المجالات اللي اشتغلت فيها:
صيانة الأجهزة المنزلية
مواقع لمراكز وشركات الصيانة، معمولة عشان تظهر للعميل وقت ما يدور على الخدمة، وتخليه يتصل ويحجز بسهولة.
المجال الطبي
اشتغلت مع أكتر من 30 دكتور وعيادة، على مواقع بتبني ثقة المريض وبتسهّل عليه الحجز.
المتاجر الإلكترونية
متاجر بتبيع منتجات ملموسة أو رقمية، بتجربة شراء بسيطة وصفحات منتجات بتقنع.
قصتي مع تصميم المواقع
العميل في الآخر عايز فلوس.. مش عايز تصميم
القصة بدأت لما كنت عايز أشتغل كمصمم مواقع، ولقيت إن ناس كتير بتقدّم خدمة تصميم المواقع على إنها مجرد شكل حلو، من غير ما تبص على أهداف البزنس أو طبيعة المجال اللي العميل شغال فيه، ومن غير ما تبني رحلة واضحة للعميل جوه الموقع.
مع إن أي حد بيطلب تصميم موقع للبزنس بتاعه، هدفه في الآخر إنه يكسب منه فلوس أو مبيعات. الشكل ممكن يبهره.. بس هو في الآخر عايز نتيجة.
وكمان لقيت ناس كتير بتضرب السوق بأسعار رخيصة جدًا، بسبب كورسات على الإنترنت بتقول لأي حد إنه يقدر يصمم موقع من غير علم حقيقي. فشباب كتير بياخد الكورس، وبعد أسبوعين أو شهر يمسك مواقع عملاء، ويدّي أسعار قليلة لأنه مش عارف قيمة اللي بيقدمه.
والنتيجة؟ العميل يستلم الموقع ويلاقيه مش بيحقق مبيعات، فيقول لنفسه: «عادي، ما أنا دفعت 2000 أو 3000 جنيه.. أكيد الموقع ده مش هيخليني أغنى واحد في العالم».
شكل حلو.. من غير هدف
تصميم مبهر، بس مفيش رحلة عميل ولا فهم للبزنس.
أسعار بتضرب السوق
كورس أسبوعين، وبعدها مواقع عملاء بأسعار مش واقعية.
موقع مبيحققش مبيعات
والعميل يقتنع إن المشكلة في المواقع نفسها.
وده اللي قررت أصلحه في السوق
إن العميل مياخدش موقع شكله حلو وبس.. لأ، ياخد قيمة حقيقية تساعده يحقق أهداف مشروعه، سواء قرر يعمل إعلانات على جوجل أو السوشيال ميديا، أو يظهر في محركات البحث من خلال الـ SEO. ولما يدفع فلوسه يحس إنه خد خدمة احترافية وحقيقية، مش إن مصمم المواقع خد منه فلوس وخلاص، أو أقنعه بكام كلمة.
قصتي مع السيو (SEO)
طب إزاي بعمل موقع يحقق مبيعات وأهداف البزنس؟
الإجابة ببساطة: اتعلمت الـ SEO.
السيو جزء من التسويق الرقمي (Digital Marketing)، هدفه إنك تظهر في النتائج المجانية لمحركات البحث زي جوجل وبينج، وكمان تظهر في إجابات نماذج الذكاء الاصطناعي زي ChatGPT وGemini وClaude، اللي بقت جزء أساسي من حياتنا وكلنا تقريبًا بنستخدمها.
GoogleBingChatGPTGeminiClaude
جودة المحتوى
صفحة خدمة، منتج، أو مقالة بتساعد العميل فعلًا.
تجربة المستخدم
موقع سهل وواضح من أول ثانية.
رحلة العميل
كل صفحة بتوديه للخطوة اللي بعدها.
سرعة الموقع
تحميل سريع على الموبايل والكمبيوتر.
والهدف في الآخر إن الزائر ياخد أكشن: يتصل، يحجز خدمة، أو يشتري منتج.
ده كان هدفي من إني أتعلم السيو وأربطه بخدمة تصميم المواقع: إني أقدّم خدمة عالية الجودة تحقق أهداف المشاريع الصغيرة والمتوسطة، من خلال موقع شغال معاك 24 ساعة.. كأنه الموظف ابن الشركة، اللي فاهم الشغل وبيعرف يقنع العميل ياخد الأكشن اللي انت عايزه.
المهارات
أدواتي عشان موقعك يبيع فعلًا
عشان أحقق أهداف كل بزنس، بموقع فعلًا بيحقق مبيعات ويجيب فلوس، كان لازم أتعلم المهارات اللي تتماشى مع السوق المصري والعربي بشكل عام.
ووردبريس (WordPress)
نظام إدارة محتوى سهل، بتدير منه المحتوى المكتوب والصور والفيديوهات والعملاء والخدمات والمنتجات بكل سهولة. بيبقى أداة لتحقيق أهداف البزنس، مش مجرد شكل على الإنترنت.
السيو (SEO)
الطريقة اللي بتحسّن موقعك عشان يظهر في نتائج جوجل قدام العملاء اللي بيدوروا على خدماتك أو منتجاتك، وتجيب زيارات وعملاء محتملين من غير ما تدفع مقابل كل زيارة زي إعلانات جوجل.
كتابة المحتوى
مش هتعرف تبيع غير لما تقنع العميل، ولا هتتصدر جوجل مجانًا من غير محتوى قوي. المحتوى الإبداعي عالي الجودة هو الطريق للهدفين دول.
أدوات تحليل المواقع
عشان نعرف احنا فين، وبقينا فين، وعايزين نوصل لفين. ومن أهمها Google Search Console وGoogle Analytics، ولازم يكونوا معاك وقت ما أسلّمك الموقع.
أدوات الذكاء الاصطناعي
بستخدمها عشان تخدم على كل اللي فات: من البحث عن المعلومات، لتوليد الصور والفيديوهات، وغيرها من اللي محتاجه أي موقع أو متجر إلكتروني.
ليه تشتغل معايا أنا بالذات؟
السؤال الصح هو: إيه اللي انت عايزه من مصمم المواقع؟
السؤال ده من وجهة نظري غلط.. والسؤال الصح هو اللي فوق. وده بالظبط اللي بوفّرهولك، لأن بفضل الله كل حاجة هتحتاجها هتلاقيها في مكان واحد، وهكون دليلك الواضح والموثوق عشان تحقق أهداف البزنس بتاعك.
تصميم بيبيع مش بس بيبهر
مواقع شكلها حلو، بواجهة وتجربة مستخدم (UI/UX) تسهّل على عميلك إنه يطلب الخدمة أو يشتري المنتج.
محتوى تسويقي بيقنع
محتوى بيبيّنك محترف وفاهم مشكلة عميلك، ويخليه ياخد أكشن: يتواصل، يحجز، أو يشتري.
تسليم متكامل
موقع سريع ومهيأ بالكامل ومتأرشف في جوجل، ومعاه أدوات تحليل البيانات، وهشرحلك الداشبورد عشان تتعامل مع موقعك بسهولة.
مرونة ودعم فني مجاني
بنراجع مع بعض نقطة نقطة، وبكون معاك كدعم فني للصيانة والتعديلات مجانًا لمدة شهر بعد التسليم.
سعر يساوي القيمة
التكلفة مقابل الجودة والشغل والمتابعة، ومش هتحس إنك دفعت فلوس لأنك خدت موقع بيحقق أهدافك. وزي ما بيقولوا: الغالي تمنه فيه.
استشارات مجانية 3 شهور
هقدملك النصيحة وقت ما تحتاجني، لموقعك أو للتسويق أو لأي حاجة، مجانًا لمدة 3 شهور كاملة من غير استشارة مدفوعة.
جاهز يبقى عندك موقع شغال لك 24 ساعة؟
احجز استشارتك المجانية دلوقتي، ونتكلم عن مشروعك وأهدافك، وأقولك بصراحة موقعك محتاج إيه عشان يجيبلك عملاء.